Një tjetër tragjedi ka prekur futbollin italian. Pas ndarjes nga jeta në mënyrë të parakohshme të mbrojtësit Davide Astori në fillim të muajit, është shuar në moshën 71-vjeçare edhe trajneri italian Emiliano Mondonico.
Lajmi bëhet i ditur nga mediat italiane, sipas të cilave ai ka ndërruar jetë pas një beteje të gjatë kundër kancerit.
Ai u bë i njohur në futbollin italian kur në vitin 1984 ngjiti në Serinë A Kremonezen, skuadër që kishte 54 vite që nuk luante në kategorinë e parë. Më pas, fitoi një Kupë Italie me Torinon në sezonin 1992-1993.
Gjithashtu, ka drejtuar skuadra si Atalanta, AlbinoLefe, Napoli, Kozenca, Novara dhe Fiorentina.
