Sipas një studimi të kryer së fundmi, meshkujt që ejakulojnë rregullisht, çdo ditë, janë më pak të rrezikuar që të diagnostikohen me kancer të prostatës.
Sipas shkencëtarëve nga Shkolla Mjekësore e Harvardit, ejakulimi i rregullt ul rrezikun e kësaj sëmundjeje.
Studime të mëparshme kanë treguar se orgazma mund të ndihmojë në nxjerrjen jashtë nga prostata të substancave kimike që shkaktojnë kancer. Një tjetër teori është se, nëse sperma pastrohet rregullisht dhe lejon zhvillimin e qelizave të reja, ajo parandalon formimin e pllakës bakteriale në qelizat e vjetra, duke ulur kështu rrezikun për kthimin e tyre në kancerogjene.
Prostata është një gjëndër e vogël, sa një arrë, që gjendet mes penisit dhe fshikëzës së urinës. Funksioni i saj kryesor është të prodhojë një lëng të bardhë të trashë, që përzihet me spermën e prodhuar nga testikujt, për të krijuar kështu farën.
Studimi i Harvardit është i pari deri tani që ka ekzaminuar shpeshtësinë e ejakulimit dhe rrezikut për zhvillimin e kancerit të prostatës. Shkencëtarët kanë zbuluar se burrat e moshës 40-49 vjeç që ejakulojnë 21 ose më shumë herë në muaj mund të ulin rrezikun e zhvillimit të kancerit të prostatës me 22%, krahasuar me ata që ejakulojnë 4-7 herë në muaj.
Edhe pse nuk janë të qartë se përse ejakulimi ul rrezikun e kancerit të prostatës, shkencëtarët mendojnë se rezultatet janë gjithsesi inkurajuese.
Gjatë studimit u monitoruan 32 mijë meshkuj për 18 vite.
Kështu që, nëse vuani nga prostata, bëni një veprim! Ejakuloni çdo ditë, rregullisht!