Gabriel Jesus i ka lënë në pauzë negociatat për kontratën e re me Manchester Cityn pasi refuzoi ofertën prej 90 000 paundësh në javë.
20-vjeçari dukej se ishte i vendosur për të nënshkruar para Krishtlindjeve, por diskutimet nuk përparuan aq shpejt sa pritej.
Sipas Daily Mail, Jesus aktualisht fiton rreth 65,000 paund në javë në “Etihad” dhe mund të shtojë një vit tjetër në kontratën e tij, duke qëndruar me klubin deri në 2023.
Ende pritet që kompromisi të arrihet që braziliani të angazhohet përfundimisht me klubin anglez.
City ndjeu se talenti meritonte një marrëveshje të re pas përshtypjeve të mira që ka lënë, kur ata bëne propozimet e para më herët këtë sezon.
Kjo nuk ka ndryshuar, edhe pasi Jesus humbi gjashtë javë me ekipin me një dëmtim në gju në ndeshjen me Crystal Palace para Vitit të Ri.
