Përfaqësues të lartë të policisë italiane kanë pasur një takim me homologët shqiptarë në lidhje me çështjen e kultivimit të kanabisit. Krerët e Guardia di Finanzza u njohën me punën e policisë shqiptare deri më tani dhe masat që janë marrë.
Ky takim nuk është rastësor, pasi për pak ditë mund të nisë “fushata e mbjelljeve” të bimës shqiptare që po “trullos” mendjet e europës. Gjithashtu mësohet se është diskutuar për bashkëpunimin në javët në vijim, për monitorimin ajror që do t’i bëhet territorit shqiptar.
Pala italiane i druhet një mbjellje masive të kanabist këtë vit, për shkak të rritjes së çmimit të drogës dhe fuqizimit të grupeve kriminale që veprojnë në Shqipëri. Pavarësisht premtimit të qeverisë se do të zhdukë fenomenin e kanabisit, Guardia di Finanzza ka nisur që tani që të monitorojë situatën.
