Antoine Griezmann duket se po kalon ditët e fundit në kryeqytetin spanjoll, me yllin francez që është shumë pranë kalimit tek rivalët e Barcelonës.
Mediat spanjolle janë të bindura se Griezmann do të largohet nga klubi madrilen, dhe si destinacion pritet të jetë Barcelona.
Për shërbimet e Griezmann janë të interesuara dhe dy skuadrat e Premier League, Manchester United dhe Chelsea që për të arritur tek 27 vjeçari duhet të derdhin një shifër prej 100 milionë eurosh.
Barcelona mbetet favorite për ta blerë Griezmann megjithëse i trembet sanksioneve të “Fair Play Financiar” dhe mund të jetë e kufizuar në atë që do t’i ofrojë Griezmannit.
