Një ngjarje e rëndë ka ndodhur ditën e sotme në qytetin e Vlorës.
Dy persona të maskuar kanë goditur me mjete të forta si leva një pronar autobusësh në qytetin bregdetar.
Mësohet se Altin Kaçaj, personi i lënduar është në spital për momentin duke marrë ndihmën e nevojshme.
Ai ka marrë një goditje në kokë, sikurse mund të shihet nga fotoja. Ngjarja ka ndodhur pranë portit të Vlorës, në lagjen ”Pavarësia”.
Ndërkohë, grupi hetimor po vijon me mbledhjen e provave të nevojshme me qëllim zbardhjen e plotë të ngjarjes dhe identifikimin e kapjen e autorëve.
