Një shtetasi shqiptar, të përfshirë në rrjetin e trafikimit të lëndëve narkotike, i është përgjysmuar dënimi për shkak se ai ishte thjesht një “punëtorë”.
Klinsi Hoxha, 19 vjeç, u transferuan në Britani në maj të 2016-ës, për të qëndruar tek kushëriri i tij Lorenc Hoxha, por shumë shpejt u rekrutua në bandën e tij të drogës.
Teksa udhëtonin nga Londra për në Exter, Hoxha dhe Rexha u arrestuan nga policia për trafikim të lëndëve narkotike.
Hoxha, 37 vjeç, u dënua më pas me mbi 12 vjet si “organizatori” i komplotit, që përfshinte shpërndarjen e kokainës brenda dhe jashtë vendit.
Rexha u deklarua fajtor dhe u dënua me gjashtë vjet e gjysmë burg nga Gjykata e Nottingham në gusht të vitit të kaluar.
Sot, avokatët e tij e çuan rastin në Gjykatën e Apelit në Londër, ku tre gjyqtarë të lartë e ulën dënimin në pesë vjet.
Gjykatësi Anthony Leonard QC tha se dënimi ishte tepër i gjatë për dikë që ishte vetëm 17 vjeç kur ai kreu krimet.
Duke përfaqësuar Rexhën, avokati Matthew Kirk argumentoi se duke jetuar me kushëririn, ai nuk kishte zgjedhje tjetër përveçse të përfshihej në bandë.
“Ai ishte një djalë i ri si refugjat, i varur krejtësisht financiarisht dhe emocionalisht nga kushëriri i tij, i cili ishte kryetar i kësaj vepre”, tha ai.
Roli i Rexhës në bandë ishte si një “punëtor” i cili bënte çfarë e urdhëronte kushëriri.
