Trajneri i Manchester Unites, Jose Mourinho kërkon Ronaldon në shkëmbim nëse Real Madridi do portierin spanjoll David de Gea.
Gjithmonë në qendër të spekulimeve spanjolle të futbollit, Don Balon ka raportuar se trajneri portugez është i gatshëm të lërë portierin të ikë në shkëmbim të parave dhe Cristiano Ronaldos.
Kontrata e reprezentuesit spanjoll do të mbarojë në fund të sezonit të ardhshëm dhe ende nuk i është ofruar një marrëveshje e re nga United.
Dhe nëse 27-vjeçari nuk ngurron ta vendosë bojën mbi letër, United mund të detyrohet të veprojë.
Theksojmë se De Gea dështoi në sekondat e fundit të afatit kalimtar të verës së vitit 2015 të transferohet te “Los Blancos”.
Portugezi ka shprehur më parë dëshirën për t’u rikthyer në Old Trafford, ku fitoi tre tituj të Premier League dhe trofeun e Ligës së Kampionëve para se të bashkohej me Realin në vitin 2009.
