Ish-ylli i Manchester City-t, tashmë i kthyer në Argjentinë te Boca Juniors, pas pushimeve u rikthye në klub i dëmtuar. Por, drejtuesit e Boca-s u ndjenë të befasuar për dëmtimin e tij.
Clarin Sports tashmë ka hedhur dritë mbi situatën duke sqaruar se sulmuesi 34-vjeçar dëmtoi muskujt e pulpës së këmbës gjatë një goditje që mori në një ndeshje futbolli të zhvilluar pas hekurave të një burgu.
Incidenti mësohet se ka ndodhur të martën e shkuar kur ai vizitoi vëllain e tij Juan Alberto Martinez në burgun e sigurisë së lartë në Cordoba.
Edhe pse nuk ka pamje, ish-lojtari i Manchester United dhe West Ham luajti një lojë futbolli me vëllain e tij dhe të tjerë shokë gjatë vizitës që kreu në burg.
Ndërsa dëmtimi tashmë mund të jetë qartësuar, Clarin thotë se te Boca Juniors u zemëruan pasi zbuluan si u shkaktua ky dëmtim.
Vëllai i Tevez-it ende është duke kryer dënimin për plaçkitje nën kërcënimin e armës.
Vëllai i tij u burgos për një vjedhje ku ishte veshur me uniformë policie për të sulmuar një mjet që shërbente për transport të letrave me vlerë. Ata gjuajtën me armë derisa arritën që të vidhnin çfarë kishte brenda në mjet.
