Prej më shumë se 10 ditë, stacioni hapësinor kinez Tiangong-1 i ka dalë jashtë kontrollit dhe pritet të bjerë në Tokë.
Lajmi bëhet i ditur nga BBC, e cila thotë se kjo pritet të ndodhë nga 30 marsi deri në 2 prill.
Megjithatë sipas shkencëtarëve, situata është e paparashikueshme, ashtu si edhe vendi ku pritet të bjerë stacioni hapësinor.
Dhe këtu nuk përjashtohet sa Shqipëria, apo ndonjë vend tjetër.
Megjithatë, sipas zyrtarëve kinezë edhe pse përbën një kërcënim minimal për njerëzit, rënia e stacionit është një telash për programin hapësinor kinez.
Sipas ekspertëve, stacioni pritet të digjet gjatë hyrjes në atmosferë, ndërsa ndonjë pjesë e vogël mund të bjerë në det.
Ndërsa, mundësia që mbetjet e stacionit, i cili peshon rreth 8.5 ton, që të godasin njerëzit është më e vogël se një në një trilion.
Hera e fundit kur një stacion hapësinor ra në Tokë ishte në 2001, kur stacioni hapësinor rus 135 tonësh, Mir, u fut në atmosferë por në mënyrë të kontrolluar.
