Problemet muskulare bëhen sërisht pengesë për argjentinasin, Lionel Messi.
Gazeta prestigjoze “Marca” shkruan se ylli argjentinas vuan nga një ngarkesë muskulore dhe pritet të mungojë edhe në takimin e sotëm përballë Spanjës.
“Pleshti” nuk luajti as në miqësoren ndaj Italisë, takim ky i fituar nga Argjentina me rezultat 2-0.
Por, edhe pse kishte shpresuar të rikuperohet për duelin ndaj Spanjës, Messi duket se edhe sonte do ta shikojë ndeshjen nga tribunat.
Me mungesën e sigurtë të yllit të Barcelonës, trajneri i “Albicelestëve” Jorge Sampaoli pritet të ketë një plan B. Kundër Spanjës,
Sampaoli mund të hedh në fushë këtë njëmbëdhjetëse:
Romero-Bustos-Otamendi-Rojo-Tagliafico-Mascherano-Banega-Meza-Lo Celso-Pavon dhe Higuain, me mesfushorin e Paris Saint Germain, Lo Celso që pritet të marrë vendin e 5 herë fituesit të Topit të Artë.
