Juventusi do të vëzhgojë për herë të tretë mbrojtësin gjerman të Koln, Jonas Hector.
Sipas “La Gazzetta dello Sport”, ai ka një klauzolë për më pak se 10 milion euro, nëse klubi i tij nuk siguron qëndrimin në Bundesliga në fund të sezonit.
27-vjeçari është një lojtar mjaft i rëndësishëm për Koln, teksa ai është titullar i padiskutueshëm edhe në kombëtaren gjermane, në krahun e majtë të mbrojtjes.
“Zonja e Vjetër” do ta ketë të vështirë të sigurojë shërbimet e Hector, pasi ai ka tërhequr interesin e disa klubeve të rëndësishme në Evropë.
Bayern Munich dhe Liverpool-i kanë shfaqur interes për lojtarin, që ka treguar një nivel të lartë në vitet e fundit. Kampionët e Gjermanisë po kërkojnë një zëvendësues për David Alaba, i cili mund të largohet gjatë merkatos së ardhshme.
Në merkaton e verës do të shohim nëse do të fillojë në “luftën” mes këtyre tre klubeve të mëdha për të siguruar shërbimet e 27-vjeçarit.
