Prokuroria e Durrësit, ka nisur hetimin për ish-kryeprokurorin Adriatik Llalla.
Prokuroria ka kërkuar informacione nga ILKPDI, dhe po kryen verifikimet përkatëse.
Mësohet se hetimi ka nisur me akuzën e pastrimit të parave.
Nje dite me pare Deutsche Welle shkruante per nisjen e procesit te Vettingut dhe permendte pikerisht emrin e ish kryeprokurorit.
“Rasti më domethënës është ai i ish- Prokurorit të Përgjithshëm Adriatik Llalla, ndaj të cilit Prokuroria ka hapur ҫështje penale për pastrim parash në përmasa të mëdha, edhe pse Llalla deklaroi para se të fillonte vettingu largimin vullnetar nga drejtësia.
Atë që nuk e bëri dot organi i akuzës i drejtuar nga Llalla, që erdhi në krye të Prokurorisë në vitin 2012 dhe qëndroi deri në mbyllje të mandatit 5 vjeҫar, më 3 dhjetor 2017, e nisi Departamenti Amerikan i Shtetit. Muajin kaluar ai mori vendimin që ish-kryeprokurori dhe familja e tij të futen në listën e zezë dhe të mos u lejohet hyrja në SHBA “për shkak të përfshirjes së tij në raste të mëdha korrupsioni”, shkruante dje Deutsche Welle.
