121 kg kanabis janë kapur nga Policia në Vidohovë të Korçës dhe 4 persona janë vënë në pranga. Lënda narkotike u gjet në pyllin e fshatit Vidohovë.
Policia e Korçës njoftoi se më datë 25 mars u bë arrestimi në flagrancë i shtetasve B.H, 49 vjeç, J.K, 17 vjeç, L.H, 17 vjeç, banues në fshatin Vidohovë dhe K.K, 38 vjeç, banues në fshatin Miras, pasi në pyllin e fshatit Vidohovë, shtetasve të mësipërm iu gjet dhe sekuestrua në cilësinë e provës materiale 121 kg bimë narkotike kanabis.
