Nga Boldnews.al
Mesditën e së dielës, Ministria e Energjitikës bëri një përpjekje të dështuar për të justifikuar vendosjen e taksës së qarkullimit në “Rrugën e Kombit”, pas reagimit të ashpër qytetar dhe të opozitës.
Duke filluar nga dita e dielë, 25 mars, çdo automjet që do të kalojë në tunelin e Kalimashit, do të paguajë 5-20 euro.
Kjo taksë do t’i paguhet bashkimit të kompanive “Catalyst Viva Das General Constracting LLC & Salillari shpk & “BEE Tech” & “ Violap Ateve” & “Kastrati” sha, e cila u shpall fituese e kontratës konçensionare, në gusht të vitit 2016.
Konçensionari merr përsipër mirëmbajtjen dhe përmirësimin e rrugës për 30 vjet dhe, për këtë shërbim, ata do të tarifojnë qytetarët që shfrytëzojnë Rrugën e Kombit, e cila është ndërtuar me paratë e taksapaguesve. Pas vitit të tretë të kontratës, konçensionari do të marrë edhe rreth 30 milionë euro subvencion nga qeveria shqiptare.
Në bazë të kësaj kontratë, një pjesë të fitimit nga taksa, si edhe nga fondet qeveritare, do të merren, ndër të tjerë, edhe nga kompania “Kastrati”, me administrator Shefqet Kastratin, si edhe Salillari shpk, në pronësi të Pëllumb Salillarit. Këta të fundit, tashmë konsiderohen si dy prej “oligarkëve” të rinj pranë kryeministrit Edi Rama. Ata shmangin taksat bëjnë ligje dhe përfitojnë koncensione në ortakëri me kryeministrin Rama për të varfëruar shqiptarët, duke pasuaruar xhepat e tyre dhe të qeveritarëve në mënyrë abusive, babëzitëse dhe korruptive.
Kastrati, me origjinë nga qyteti i Kukësit, falë kësaj kontrate konçensionare, pritet të marrë fitime të majme nga bashkëqytetarët e tij.
Banorët e Kukësit e kanë kundërshtuar prej kohësh këtë taksë, duke deklaruar se pagesa do të izolojë qytetarët e zonës veriore, të cilët përbëjnë pjesën më të varfër të Shqipërisë.
Gjithashtu, kjo taksë rëndon buxhetin e bizneseve që operojnë në Kukës, si edhe bizneset dhe qytetarët kosovarë, të cilët kanë komunikim të vazhdueshëm me Shqipërinë.
Por, këto çështje nuk u trajtuan në njoftimin justifikues të ministrisë së Gjiknurit, publikuar mesditën e së dielës. Në deklaratë shënohen vetëm teknikalitetet e kontratës konçensionare, si edhe ritheksohet fakti që tarifa bazohet në një Vendim të Këshillit të Ministrave.
Në këtë mënyrë, ministri Gjiknuri mundohet të shpërndajë peshën e përgjegjësisë mbi këtë taksë, e cila mund të shoqërohet me kosto elektorale për Partinë Socialiste. Por asgjë smund të bëjë Damiani për ta ulur këtë kosto për sa kohë që ëshët pjesë e tepsisë së Kryeministrit dhe oligarkëve kastrati dhe Salillari të cilët fitimet e tyre do I marin nga taksat e shqiptarëve dhe xhepat e varfër të Kuksianëve.
Përtej tarifës rënduese për qytetarët, e cila është e para e llojit të saj në Shqipëri, fitimi i kontratës konçensionare është e dyshimtë.
Konçensioni për mirëmbajtjen e Rrugës së Kombit u fitua nga konçensionari i përbërë nga bashkimi i kompanive “Catalyst Viva Das General Constracting LLC & Salillari shpk & “BEE Tech” & “ Violap Ateve” & “Kastrati” sha, në gusht të vitit 2016.
Tenderi i parë për këtë rrugë, i fituar nga një kompani turke, u anulua nga Komisioni i Prokurorimit Publik, me një vendim të kontestueshëm. Pas ri-tenderimit, fitues u shpall bashkimi i 4 kompanive, një prej të cilëve edhe “Kastrati sha”. Kjo kompani, e cila është aktori kryesor në tregun e naftës në Shqipëri, së fundmi është përfshirë edhe në tregun e ndërtimit, nëpërmjet të cilit ka marrë lejen edhe për ndërtimin e disa kullave pranë qendrës së Tiranës.
Ja këto janë tarifat që do të varfërojnë shqiptarët që do të kalojnë në Rrugën e Kombit.
Tarifat për kalimin në Rrugën e Kombit
Klasa 1( motor) – 2.5 euro
Klasa 2 (veturë) – 5 euro
Klasa 3 (autobus – kamionçinë – 11.2 euro
Klasa 4( kamion i mesëm) – 16.2 euro
Klasa 5 (kamion i rëndë) – 22.5 euro
