Mino Raiola është bërë më i ashpër kohët e fundit.
Pak ditë më parë, pasi një prej futbollistëve që ai menaxhon, Mario Balotelli nuk u grumbullua me kombëtaren e Italisë nga trajneri i përkohshëm Di Biagio, ai sulmoi me fjalë të rënda Federatën Italiane të Futbollit (Ta shpif, është plot me skarco).
Tani, shënjestra e radhës është trajneri i Manchester City, Pep Guardiola.
“Është një burracak, një qen. Guardiola si trajner është fantastik. Por si person është një zero absolute.”
Raiola e ka me teknikun katalanas, sepse ai e largoi klientin tij, Zlatan Ibrahimovc nga Barcelona, pas vetëm një sezoni (2009/10).
“Është si ai prifti tipik, bëj si të them, mos bëj atë që…Nëse City do ta fitojë Champions këtë sezon, do të shkruhet vetëm për të se sa i madh është si trajner. Por unë do të vazhdoj që ta urrej” – tha menaxheri Raiola.
“Natën finales së ‘Wembley’ në 2001 unë shkova ta kërkoja në korridore, vetëm Adriano Galliani më ndaloi. Për fatin e mirë të Guardiola-s. I thashë Zlatanit që të shkonte tek ai nëse kishte probleme apo ankesa, por më pas e injoroi dhe nuk e aktivizonte. As nuk e përshëndeti. Të njëjtën gjë ai bëri me Maxwell që është një njeri shumë për së mbari. Kështu i thashë Zlatanit që të shkonte të parkonte Ferrari-n e tij në vendin e Guardiola-s…” – është shprehur Mino Raiola.
