Kur ka mbetur edhe një ditë nga ndeshja miqësore me Norvegjinë, Kombëtarja shqiptare ka nisur këtë mëngjes seancën stërvitore.
Dita e shtatë e grumbullimit, e sheh të gjithë grupin në dispozicion të trajneri Kristian Panuçi, shkruan PanoramaSport. Stërvitja parashikohet e lehtë, dhe me një ngarkesë jo të madhe fizike.
Kjo është edhe seanca përmbyllëse për miqësoren me Norvegjinë. Më pas, skuadra do të drekojë dhe pritet që trajneri Kristian Panuçi do të dalë në konferencën për shtyp përpara ndeshjes.
Ekipi do t’i drejtohet më vonë Elbasanit, ku do të qëndrojë atje i grumbulluar. Ekipi gjatë pasdites do të bëjë analiza me video bashkë me lojtarët.
