Bashkia e Tiranës ka marrë nisma të shumta në rikonstruksionimin e disa rrugëve të reja në kryeqytet, duke vendosur pagesë ndaj parkimit të automjeteve.
Tirana Parking është kompania e cila ka marrë në administrim parkingjet me pagesë në Tiranë, ku siç shpjegohet edhe në marrëveshjen me bashkinë, rrugët e zgjeruara do të përdoren për parkim.
Por si rrjedhojë e shtimit të korsisë së biçikletave autoritetet lokale i kanë hequr të drejtën e administrimit të parkimit kompanisë në 7 rrugë, të cilat janë parashikuar të kthehen në vendkalime për biçikletat.
Ndërsa rrugët e propozuar rishtazi si parkime me pagesë në kryeqytet janë:
-Rruga “Ismail Qemali”
-Rruga “Kosovarve”
-Rruga “Kongresi i Manastirit”
-Rruga “Asim Zeneli”
-Rruga “Mihal Druri”
-Rruga “Bogdanëve”
-Rruga “Dora Distria”
-Bulevardi “Gjergj Fishta”
Sipas Bashkisë së Tiranës, kjo mënyrë organizimi është projektuar për të shmangur trafikun e rënduar dhe për të zhdukur problematikat e vendeve të parkimit në kryeqytet.
