Avokati i gjyqtarit të Gjykatës Kushtetuese, Fatos Lulo deklaroi se do të apelohet vendimi të cilin e konsideron një verdikt të marrë mbi bazën e një fabule tërësisht të paqenë. Jo vetëm kaq Ardian Visha thotë se standardi i vendosur është një stekë shumë e ulët poshtë së cilës zor se duhet të kalojë njeri.
“Do apelohet. Ne e konsideruam tërësisht të paqenë gjithë fabulën mbi të cilën u dha verdikti i sotëm i përkohshëm. Është një vendim që për mua është tërësisht i padrejtë, i pambështetur në gjithë sa u relatua dhe u provua nga ana jonë para këtyre gjyqtarëve, por megjithatë ky ishte vendimi i apelueshëm dhe do apelohet.
Për standardin që vendos, për mua, për aq sa mund të them është një stekë shumë e ulët poshtë së cilës zor se duhet të kalojë njeri.
I pyetur nëse ky vendim i KPK-së do të thotë se Fatos Lulo nga ky moment dhe deri sa të shqyrtohet çështja do shkojë në zyrën e tij si gjyqtar i Gjykatës Kushtetuese.
Avokati u shpreh se “pezullohet deri në një vendimmarrje të apelit”
