Gianluigi Buffon vlerësoi Lionel Messin dhe Cristiano Ronaldon, ndonëse veterani veçoi kualitetin teknik të sulmuesit të Barcelonës.
Kapiteni i Juventusit e përshkroi yllin e Barcelonës Lionel Messi si një lojtar më të plotë se Cristiano Ronaldo-n e Real Madridit.
Nuk ka shumë për të ndarë mes pesë herë fituesve të Topit të Artë, Messi dhe Ronaldo, të cilët konsiderohen si dy nga lojtarët më të mëdhenj të të gjitha kohërave.
Të dy janë gjithë kohës duke shënuar për Barcelonën dhe Madridin, ku i udhëheqin skuadrat e tyre në suksesin spanjoll dhe europian.
Buffon u fut në debatin e madh për lojtarin më të mirë, ndërsa Italia dhe Argjentina ndeshen në një miqësore në Manchester të premten.
“Ata janë dy lojtarë krejtësisht të ndryshëm,” tha portieri Buffon për gazetarët të enjten.
“Messi është më i plotë, sepse ai fillon më thellë, ka më shumë cilësi teknike dhe një vizion të lojës që është më i denjë për një trekuartist sesa një finalist.
“Cristiano Ronaldo, ndoshta për shkak se është pak më i vjetër, është bërë një vrasës në zonën e rrezikut. Krahasuar me atë se si ai ishte më parë, Ronaldo ruan më shumë energjinë e tij”.
Messi kryeson listën e golashënuesit të La Liga me vetëm 3 gola para portugezit Ronaldo.
