Gjykata e Arbitrazhit Sportiv në Lozanë ka caktuar datën kur do të marrë vendimin për fatin titullit kampion të ekipit të Skënderbeut për sezonin 2015-2016.
Klubi korçar ka paditur FSHF-në, pasi Komisionin e Etikës vendosi t’ia heqë titullin e këtij sezoni pas pezullimit të parë nga UEFA.
Skënderbeu e apeloni vendimin në CAS pasi e cilësoni atë si të padrejtë. Gjykata dëgjoi palët para pak kohësh dhe ka caktuar 13 prillin si ditën kur do të shpallë vendimin.
Nëse gjyqi fitohet nga FSHF, ajo do të shqyrtojnë mundësinë për t’ia dhënë titullin ekipit që është renditur i dyti, Partizanit. Klubi i kuq ka paraqitur kërkesë zyrtare për këtë titull.
Nëse CAS vendosë në favor të korçarëve, atëherë titulli do t’i kthehet Skënderbeut.
Për Skënderbeun ka edhe një tjetër proces në zhvillim në Komisionin e Disiplinës në UEFA, ekspertët e të cilit kanë kërkuar dënimin me 10 vite pezullim nga kompeticionet evropiane dhe 1 milion euro gjobë.
