Dy shtetas të dënuar njëri për “Mashtrim” dhe tjetri për “Trafikim të lëndëve narkotike” janë ekstraduar drejt vendit tonë. Ata janë Shefki Lusha, 49 vjeç dhe Vasil Dervishanji, 45 vjeç.
Interpol Tirana njofton se u krye ekstradimi nga Frankfurti/Gjermani drejt vendit tonë i shtetasit shqiptar. Lusha ishte dënuar nga Gjykata e Tiranës në vitin 2015 me 5 vite burg pasi përmes skemës së mashtrimit ka marr shuma të konsiderueshme parash ndaj shtetasve të ndryshëm.
Ndërsa Vasil Dervishanji ishte shpallu në kërkim ndërkombëtarë, pasi në makinën e tij gjatë kontrollit të ushruar në pikën e kalimit kufitar në Kakavijë në vitin 2013 i janë gjetur 19 kilogramë lëndë narkotike e llojit mariuanë.
Njoftimi i policisë
Ekstradohen dy shtetas nga Gjermania dhe Greqia, të dënuar për “Mashtrim” dhe “Trafikim të lëndve narkotike”
Nga Interpol Tirana u krye ekstradimi nga Frankfurti/Gjermani drejt vendit tonë i shtetasit shqiptar:
Shefki Lusha, 49 vjeç, lindur në Dibër.
Shtetasi Shefki Lusha ishte shpallur në kërkim ndërkombëtar pasi me vendimin penal nr. 3969, datë 16.11.2015, Gjykata e Rrethit Gjyqësor Tiranë e ka dënuar këtë shtetas me 5 vjet burg për veprën penale të “Mashtrimit” parashikuar nga neni 143/2 i Kodit Penal.
Shtetasi Shefki LUSHA ka mashtruar shtetasit D.R, Q.B., A.R, dhe S.E., duke u marrë shuma të konsiderueshme parash, me premtimin se do tua kthente, por pasi u ka marrë lekët këtyre shtetasve është larguar jashtë vendit.
Si rezultat i bashkëpunimit të Interpol Tiranës me Interpol Ëiesbaden, u bë i mundur arrestimi i tij në Gjermani, duke u finalizuar me ekstradimin e tij drejt vendit tonë.
Gjithashtu po nga Interpol Tirana u krye ekstradimi nga Athina/Greqi drejt vendit tonë, i shtetasit shqiptar:
– Vasil Dervishanji, 45 vjeç, lindur në Berat dhe banues në Greqi.
Në datë 01.12.2013, në Pikën e Kalimit Kufitar Kakavijë në dalje nga R.SH gjatë kontrollit në makinën tip Mitsubishi të drejtuar nga shtetasi Vasil Dervishanji, u sekuestrua 19 kilogramë lëndë narkotike e llojit mariuanë.
Shtetasi Vasil Dervishanji është shpallur në kërkim ndërkombëtar nga Interpol Tirana më datë 26.12.2014, pasi Gjykata për Krimet e Rënda, Tiranë me vendimin nr. 79 datë 22.06.2012, e ka dënuar me 8 vjet burg për veprën veprën penale “Trafik të lëndëve narkotike”, parashikuar nga neni 283/a/1 e 22 i Kodit Penal.
Si rezultat i bashkëpunimit të Interpol Tirana me Interpol Athina/Greqi, u bë i mundur arrestimi i tij në Greqi, duke u finalizuar me ekstradimin e tij drejt vendit tonë.
