Gjykata e Krimeve të Rënda jep dënimin për 11 të akuzuar si autorët e dyshuar të vrasjes së efektivit të RENEA-s Ibrahim Basha. Të akuzuarit që të gjithë nga fshati Lazarat janë njohur pasditen e sotme me vendimin e gjykatës ku u dhanë dy burgime të përjetshme për autorët kryesore Albian Aliko dhe Bajram Boçi, ndërsa nëntë të tjerët u dënhuam me shumë vite burgim. Ata akuzohen se në bashkëpunim me njëri-tjetrin në vitin 2014 sulmuan me armë efektivët e RENEA-s, të cilët kishin mbërritur në Lazarat, pasi u njoftuan se një grup personash të armatosur kishin sulmuar policinë lokale. Sapo furgoni i efektivëve të Forcave Speciale u fut në fshat, mbi ta u lëshuan breshëri armësh dhe për pasojë mbeti i vdekur në vend me një plumb në kokë Ibrahim Basha, ndërsa tre efektivë të tjerë të RENEA-s u plagosën. Dy ditë pas krimit të rëndë u arrestuan vëllezërit Aliko, si të dyshuarit kryesor, ndërsa pjesa tjetër e grupit u arrestua pas disa kohësh.
Vendimi i Gjykatës së Krimeve të Rënda:
Arbion Aliko, burgim i përjetshëm
Bajram Boci, burgim i përjetshëm
Elvin Boçi 35 vjet burg
Alban Aliko 20 vjet burg
Ruhan Hirja 15 vjet burg
Iljaz Xhaferra 15 vjet burg
Dervish Gaba 15 vjet burg
Elson Kazma 18 vjet burg
Klodian Selimi 13 vjet burg
Xhulio Malaj 10 vjet burg
Oltion Proko 9 vjet burg
