Kryebashkiaku Erion Veliaj e ka të qartë se askush nuk do të “çmendet” për të numëruar pemët e mbjella nga “dora e tij”, ndaj ka dhënë një shifër për tu pasur zili, edhe nga vendet nordike. Nga muaji shtator i vitit 2017, kryebashkiaku nuk e ndau bishtin e lopatës.
Në çdo dalje publike (çdo ditë), thurte të njëtin tekst që do të synonte që në Ditën Ndërkombëtare të Pyjeve, që përkon me 21 marsin, bashkia të kishte kapur rekordin e madh në mbjelljen e 100 mijë pemëve. Numërimi është i pamundur, por matja e hapësirës që kërkon për të mbjellë 100 mijë pemë, është lehtësisht e kuptueshme, pasi është standarte kudo. Për të mbjellë rreth 100 pemë, është e nevojshme një hapësirë prej 1 hektarë. Sipas ekspertëve, kjo hapësirë është e domosdoshme për mirërritjen e pemës, pasi ka nevojë për distancë, marrjen e ajrit dhe dritës së diellit. Nga ana e tij, sot kryebashkiaku Erion Veliaj u shfaq në teatrin e radhës ku me plot “gëzim” tha se bashkia ia arriti qëllimit që të mbillte më shumë se 100 mijë pemë, nga shtatori i vitit të kaluar deri më sot. Llogaritjet e thjeshta tregojnë se 100 mijë pemë të mbjella kanë nevojë për 1000 hektarë hapësire pyjore.
Vështirë të gjesh 1000 hektarë hapësirë në Tiranë, që sipas Veliajt tashmë është tërësisht e gjelbëruar nga pemët e mbjella, në shumë raste edhe nga duart e tij… E përkthyer në kilometra katrorë kjo hapësirë pyjore do të ishte e denjë për të “shndërruar në pyll” gjysmën e Tiranës, që në të vërtetë sot është “mbjellë” me pallate dhe kulla…
Lali Eri i “bishtit të lopatës”, mashtrim me 100 mijë pemët e mbjella
Lajme të lidhura
TË GJITHA
