Humb jetën 90-vjeçari si pasojë e asfiksisë dhe flakëve që përfshinë banesën e tij. Mësohet se ngjarja ka ndodhur sot rreth orës 16:10, në rrugën “Gjergj Legisi” në Tiranë, në banesën e shtetasit B.G. Ai ndodhej i vetëm në në banesë në momentin që u përfshi nga zjarri dhe i moshuari humbi jetën si pasojë e flakëve dhe asfiksisë nga tymi.
Menjëherë forcat e policisë dhe zjarrfikësja kanë shkuar në vendgjarje dhe kanë mundur të shuajnë flakët, por fatkeqësisht i moshuari nuk ka mundur të mbijetojë. Grupi hetimor po punon për zbardhjen e plotë të shkaqeve të rrethanave të zjarrit.
