Spartak Ngjela ka shpërthyer me një koment në rrjetet sociale në lidhje me votën kundër të Shqipërisë në OKB ndaj qëndrimit të SHBA-ve.
Ngjela e cilëson Kryeministrin Edi Rama një truthatë dhe e krahason atë me diktatorin Enver Hoxha.
“Si mund të shpjegohet vota shqiptare kundër Shteteve të Bashkuara të Amerikës në OKB?
Nëse kjo ka qënë një skemë që t’i japë mundësi kundërshtarëve të presidentit Trump të krijojnë retorikë të re kundër presidentit amerikan brenda Amerikës, as që mund të mendohet që intelekti i vobegtë i Edi Ramës të ketë hyrë në këtë lojë kaq të hollë.
Jo. Është një diçka krejt tjetër qëllimi Rama.
Në fakt Rama është një trutharë njëlloj si Enver Hoxha. Se metodat e tij po përdor.
Po ku mbush ky pafille! Pse Amerika është në aleancë me Tiranën politike për një akt human?
O injorant, që nuk kupton dot asgjë!
Amerika ka interesa jetike në Shqipëri, dhe as që pyet fare për ty, se ka 97 përqind të shqiptarëve me vete.
Gjithsesi, ul kokën, o i mjerë, dhe prite fatin tënd me qetësi se të vjen ashtu siç vetë e ke kërkuar.
Nuk mund të ketë asnjë justifikim tjetër vota kundër Amerikës në OKB, veç kërkesës për shpëtim të Ramës dhe grupit të tij, sa injorant aq dhe i korruptuar.
Por kot e ka. Asnjë tërheqje nuk do të ketë politika amerikane në Tiranë kundër korrupsionit malinj që sundon mbi djersën, varfërinë dhe ndershmërinë e popullit shqiptar.
Amerika kërkon një Shqipëri dhe Kosovë të fortë në këtë zonë: dhe do ta bëjë”, shkruan Ngjela.
