Në ditët që vijnë pritet zyrtarizimi, por burime brenda koalicionit opozitar bëjnë me dije se së shpejti opozita nuk do lejoj zhvillimin e seancave plenare si dhe do e bojkotoj përfundimisht Kuvendin. Një veprim i tillë do e nxehte edhe më tej klimën politike në vend, çka mund të çoj në përplasje të mëdha civile. Kryetari i opozitës Lulzim Basha deklaroi para pak minutash se “vendimi unanim i opozitës parlamentare është nisja e një vale protestash popullore për të ndalur çmendurinë e narkokryeministrit që sot është edhe prokurori i vendit. Vendimi unanim është nisja që sot e punës për një protestë të madhe popullore në javët e para të janarit,” tha ai.
Deklarata u bë pas mbledhjes së përbashkët të Grupit parlamentar të PD me Grupin parlamentar të LSI, ku të dyja palët rakorduan për hapat e mëtejshëm opozitarë pas kurorëzimit në Kuvend të kryeprokurores së re, Arta Marku vetëm me votat e Partisë Socialiste.
