Të tjera detaje kanë dalë nga vrasja me armë në Shkodër pak para mesditës së të dielës. Sipas burimeve poliocore viktima Angjelin Shkami ka qenë me precedentë penalë. Ndërsa forcat blu të qytetit verior dyshojnë se vrasja mund të ketë ndodhur si pasojë e prishjes së pazareve të drogës.
Shtetasi Angjelin Shkëmbi, u arrestua pak kohë më parë pasi më datë 28 shkurt të këtij viti ishte shpallur në kërkim. Policia ka bërë me dije se Gjykata e Shkallës së Parë në Shkodër caktoi masën e sigurisë arrest me burg më 14 shkurt 2017, për veprën penale “Prodhimi dhe shitja e narkotikëve”.
32 vjeçari u ekzekutua me 3 plumba në kokë, rreth orës 11.00 të së dieles, në afërsi të varrezave të Stom Golemit, në Shkoder.
Mësohet se viktima Angjelin Shkambi ka thyer vendimin e Gjykatës pasi ka qenë në arrest shtëpie për kultivim të lëndëve narkotike. 32-vjeçari dhe një grup prej 13 personash u arrestuan në prill të 2017 për kultivimin e rreth 3000 lëndëve narkotike kanabis.
Ai u la në arrest me burg nga Gjykata e Shkallës së Parë në Shkodër, ndërsa Apeli rrëzoi këtë vendim dhe vendosi arrest shtëpie.
Viktima është gjetur në automjetin e tij benz dhe mendohet se është qëlluar nga një distancë e afërt, pasi grupi hetimor ka gjetur dy gëzoja pistolete pranë trupit të viktimes, ndërsa një i tretë pranë derës së pasagjerit. Kjo ka shtuar dyshimet se viktima dhe autori që e ka qëlluar po lëviznin në të njëjtin automjet.
Nga kqyrja e vendit të ngjarjes dhe dëshmitë e marra prej personave të cilët kanë njoftuar sallen operative, mesohet se tre të shtënat janë dëgjuar brenda mjetit dhe më pas një person është parë duke u larguar me vrap por pa mundur të identifikohet për shkak se është futur menjëherë në një rrugicë aty pranë.
Mungesa e kamerave të subjekteve përreth e bën të vështirë identifikimin e tij.
Angjelin Shkambi banonte në fshatin Grudë e re, rreth 1 km larg vendit ku u ekzekutua, ndërsa mesohet se është larguar nga shtëpia pak minuta para se të ndodhte ngjarja, por i vetem.
Kjo shton edhe më shumë misterin e personit të dytë që dyshohet të ketë qenë në mjetin e tij.
