Princi Harry do të martohet me të dashurën e tij aktoren amerikane, Meghan Markle, që tashmë është e fejuara e tij zyrtarisht.
Në njoftimin zyrtar thuhet se: “Lartësia e Tij, Princi i Uellsit është i lumtur të njoftojë fejesën e Princit Harry me Znj. Meghan Markle. Dasma do të zhvillohet në pranverë të vitit 2018. Detajet e mëtejshme rreth ditës së dasmës do të shpallen në kohën e duhur.
“Prini Harry dhe Megan Markle u fejuan në Londër në fillim të muajit. Princi Harry ka njoftuar Madhërinë e saj Mbretëreshën dhe anëtarët e tjerë të ngushtë të familjes së tij. Princi Harry gjithashtu ka kërkuar bekimin e prindërve të Markle dhe e ka marrë atë.
“Çifti do të jetojë në vilën Nottingham në Kensington Palace.”
Marrëdhënia e tyre filloi 16 muaj më parë kur u takuan nëpërmjet miqve të përbashkët në Londër dhe çifti ka patur një marrëdhënie shumë intensive në muajt e fundit, Megan Markle ka qëndruar gjate muajve të fundit rregullisht në shtëpinë e Harrit në Kensington Palace.
Në shtator 2017, Markle foli publikisht për marrëdhënien e saj me princin për herë të parë, duke thënë për revistën Vanity Fair se ata ishin “me të vërtetë të lumtur dhe të dashuruar”.
Markle ka shkruar për prejardhjen e saj në faqen e saj të internetit, duke e përshkruar veten si biracial dhe “gjysmë të zezë dhe gjysmë të bardhë”, me babain e saj, Thomas, të bardhë dhe nënën e saj, Doria Ragland, e zezë.
Në një deklaratë të paprecedent, Harry sulmoi shtypin britanik një vit më parë për paraqitjen e “shtrirjes racore” në raportimin e marrëdhënieve të tyre dhe dënoi “seksizmin dhe racizmin e drejtpërdrejtë të mediave sociale dhe komenteve të artikujve në internet”.
Në një deklaratë, prindërit e Markle thanë se ishin “jashtëzakonisht të lumtur” me fejesën e çiftit, duke shtuar: “Urojmë atyre një jetë të mbushur me lumturi”.
“Vajza jonë ka qenë gjithmonë një person i dashur. Lidhja e saj me Harrin, i cili ndan cilësi të njëjta me të, është një burim i gëzimit të madh për ne si prindër.
“Urojmë atyre një jetë lumturie dhe jemi shumë të ngazëllyer për të ardhmen e tyre së bashku”.
Mbretëresha dhe Duka i Edinburgut “janë të kënaqur për çiftin dhe u urojnë atyre çdo lumturi”, tha një zëdhënës i Pallatin Buckingham.
