Më në fund prokuroria ka firmosur urdhër arrestet e para për zyrtarët shtetëror të lidhur me çështjen Habilaj. Emri i parë për të cilën është lëshuar urdhër-arrest nga prokuroria është ish-drejtori i Policisë së Vlorës, Jaeld Çela.
Burimet bëjnë me dije se Çela është një nga 3 personat që pritet të arrestohet në këto moment, pasi fletë-arrestet janë në duart e policisë për t’u ekzekutuar. Çela ka drejtuar policinë e Vlorës nga shtatori 2014 deri në prill të 2017, ndërsa më parë ka drejtuar drejtorinë e policisë së Durrësit.
Çela u emërua në krye të Policisë Vlorë, në shtator të tre viteve më parë, kur ministër i Brendshëm ishte Saimir Tahiri. Deri atë kohë, Çela ishte në krye të Policisë së Durrësit.
Më pas, me ardhjen e Famtir Xhafës në krye të Ministrisë së Brendshme, Çela u zëvendësua në këtë detyrë. Çela ka qënë i njohur si bashkpunëtor i ngushtë i ish ministrit Tahiri.
