Leo Messi mbetet i fokusuar në përgatitje për miqësoren kundër Rusisë, e cila do të luhet ditën e shtunë.
Tifozët përfitojnë nga mundësia për të shkuar në hotel ku lojtarët argjentinas po qëndrojnë, duke bërë fotografi me ta.
Por, këtë herë nuk ishte ndonjë tifoz apo ndjekës i Instagramit, ylli i Barcelonës Lionel Messi u fotografua me Sebastian Driuss, sulmues i Zenitit dhe i kombëtares argjentinase.
Messi fillimisht nuk e dinte kush ishte dhe e trajtoi atë si një tifoz tjetër. Megjithatë, Driussi publikoi foton me Messin në Instagram duke treguar momentin e takimit me idhullin e tij dhe pas disa minutash 5 herë fituesi i “Topit të Artë” i kërkoi falje pasi nuk e përshendeti siç duhej.
