Deputetja e re e PD-se, Rudina Hajdari, e bija e Azem Hajdarit me tone te forta, por edhe me emocion, ka mbajtur një fjalim ndryshe ne sallen e Kuvendit. Ne nisje te fjales se saj, teksa u ndal ne zhvillimet e fundit politike dhe thirrjet e forta te nderkombetareve, ajo tha se kjo nuk duhet te ishte nje seance normale.
“Kjo nuk mund të jetë një seancë normale, pas ngjarjeve të fundit dhe deklaratave të ndërkombëtarëve. Pyetja që duhet ditur sot: Në ç’derexhe janë katandisur sot politikanët tanë? Tahirit duhet t’i hiqet imuniteti, ai duhet të përballet me gjykatën. Fati i tij nuk duhet lënë në dorë të lajmeve, dhe as në dorë të një deputeti, vetëm gjykata ka të drejtë ta gjykojë. Nëse Tahiri pandeh se mund të fitojë, le ta tregojë këtë në gjykatë. Salla e Parlamentit nuk mund të trajtohet si sallë kafeje, këtu duhet të ofrojmë zgjidhje demokrative. Më quani ctë doni, por askush nuk mund ta përdorë këtë podium për të rritur popullaritetin. Thirrja ime është e thjeshtë: Duhet të ndryshojmë. Nuk është krenari të shohim vendin të denigrojë dita-ditës. Politika duhet t’i ofrojë shqiptarëve një punë dhe një rrogë”- tha ajo. Sipas saj, kjo qeveri nuk ka ofruar asnjë lloj zgjidhje për t’iu ofruar njerëzve një jetesë normale.
