Gjykata e Shkodrës la në burg dy 17 – vjeçarët, Elvis Hoxha dhe Ditmir Harifi, të cilët mbrëmjen e së shtunës plagosën për vdekje 23 – vjeçarin Hermes Beqiri.Hoxha akuzohet se ka qëlluar direkt mbi Beqirin, i cili ndërroi jetë në spital, kurse 17 – vjeçari tjetër Harifi është personi që drejtonte motorin dhe largoi autorin nga vendi i ngjarjes.
Gjykata caktoi masën e sigurisë arrest me burg për Hoxhën dhe Harifin megjithëse avokati i këtij të fundit kërkoi një masë më të zbutur. Ngjarja ndodhi në Guerrile të Shkodrës në ambientet e një lokali. Midis të rinjve pati një sherr banal për një kapele, sherr që përfundoi me vrasjen e Hermes Beqiri.
