3-vjeçari Apostol Kosta, i cili ditën e djeshme qëlloi për vdekje Afërdita dhe Aleko Kostën, është arrestuar nga Policia. Edhe pse në gjendje të rëndë në spital në Tiranë, pasi ai qëlloi veten pas krimit, policia ka vendosur arrestin për 73-vjeçarin.
Konflikti që çoi në vrasjen e çiftit, ka nisur për një mur rrethues. Edhe pse kjo çështje kishte shkuar në gjykatë, dhe kjo e fundit kishte vendosur pezullimin e punimeve, 73-vjeçari nuk është tërhequr. Në fillim, ai kishte hedhur një granatë drejt banesës së viktimave, por ajo nuk kishte shpërthyer. Pas kësaj, Apostol Kosta mori automatikun dhe qëlloi 17 herë në drejtim të çiftit, duke i lënë të vdekur në vend.
