Silvio Berlusconi lëshon bombën: “Milani ka probleme financiare!” Prej kohësh nuk kishte thënë asgjë për situatën në kampin kuqezi dhe duket se po përjetonte në heshtje krizën që kishte përfshirë Milanin.Por, Berluskoni nuk fshihet dhe bën një deklaratë të fuqishme, e cila iu fut të dridhurat tifozëve të “Djallit”.
“Kam mësuar se aty ka një problem dhe është për çështje financiare. Më shqetëson shumë heshtja dhe qetësia e zotit Li”, tha Berlusconi duke hedhur hije dyshimi mbi pronarin aktual të Milanit.
Mirëpo, problemet nuk përfundojnë këtu dhe gjithçka është e lidhur me rezultatet që do të arrijë në fushë skuadra e drejtuar nga Montela. Sipas Berlusconit, nëse do të vazhdojë të jetë kjo ecuri negative dhe klubi nuk do të arrijë të kualifikohet në Champions, mund të falimentojë.
“Nëse skuadra do të vazhdojë të ecë në rrugë negative, sigurisht që në pranverë duhet të ndërhyjë fondi Eliot. Problemi më i madh dhe i vërtetë është që ekipi rrezikon shumë, në rast se nuk do të arrijë të kualifikohet në Ligën e Kampionëve. Kjo do të thotë se bilanci negativ do të jetë më shumë sesa 100 milionë euro.Ata që do mund ta riblejnë klubin, do të paguajnë shumë herë më pak sesa vlera reale e Milanit. Perspektiva dhe ardhmja duket se nuk janë në rrugë pozitive”, mësohet të ketë thënë ish-presidenti legjendar i Milanit.
