Presidenti amerikan Donald Trump u takua me kryeministrin e Greqisë, Aleksis Tsipras të cilit I deklaroi mbështetjen e tij për rimëkëmbjen nga kriza ekonomike. Tsipras ka qënë një prej liderve botërorë që ka shprehur kritika kundër Trump në kohën kur garonte për Shtëpinë e Bardhë, ndaj dhe gazetarët nuk e lanë pë përmendur këtë fakt, por Trup tha se nuk I mban mëri asnjë prej liderve botërorë që u shqetësuan për fitoren e tij.
“Shumë vende kanë qenë mjaft nervoze në fillim dhe unë mund të them se kam marrëdhënie mjaft të mira me krerët e praktikisht çdo vendi me të cilin m’u desh të përballesha. Arsyeja përse ata ishin të shqetësuar lidhet me faktin që unë nuk do të lejoj që ndaj vendit tonë, Shteteve të Bashkuara të Amerikës, të përfitojnë kaq shumë vende të tjerë anembanë botës”- tha Trump
Tsipras në vitin 2016 pati deklaruar se idetë që përfaqësonte Trump ishin një kërcënim nëse do të zgjidhej President, por sot mendon ndryshe.
“Ne kemi vlera të përbashkëta. Mos harroni se demokracia dhe liria lindën në Greqi dhe këto janë dy prej vlerave që përshkojnë kulturën dhe traditën amerikane. Presidenti tani e vazhdon këtë traditë”- deklaroi Tsipras.
Kujtojmë se edhe kryeministri shqiptar Edi Rama pati deklaruar se nëse Trump zgjidhej në krye të Shtëpisë së Bardhë do të ishte një fatkeqësi për SHBA
