Lëvizje në stafin e Partizanit. Trajneri italian i portierëve, Mario Kapeçe, ka ndërprerë bashkëpunimin me klubin e kuq për arsye personale.
Njoftimin e ka bërë vetë Partizani në faqen e Facebook-ut duke falënderuar Kapeçen për kontributin e dhënë përgjatë 20 muajve që punoi në stafin e të kuqve.
Njoftimi i Partizanit
“Klubi njofton se nga sot pjestari i stafit teknik Mario Capece nuk do të jetë më pjesë e skuadrës. Për arsyet personale Capece në detyrën Trajner i Portierëve ka kërkuar ndërprerjen me konsensus të bashkëpunimit me 15-të herë kampionët e vendit.
Klubi falenderon Mario Capecen për kontributin që ka dhënë në skuadër përgjatë 20 muajve si pjesë e Partizanit, duke i uruar suksese të mëtejshme në karrierë.”
