Policia Kufitare e Vlorës ka gjetur sot rreth 1.1 ton kanabis sativa në Karaburun.
Policia njofton se është vënë në djeni për lëvizjen e një gomoneje ditën e djeshme, në drekë, pas një telefonate në sallën operative. Gjatë ndjekjes, drejtuesi i gomones ndaloi në Karaburun dhe arriti të fshihej në pyll. Policia po kontrollon zonën për të kapur drejtuesin e gomones. Disa persona janë marrë në pyetje për këtë ngjarje, ndër to edhe pronari i gomones, i cili ka thënë në polici se gomonen ia kanë vjedhur.
Sasia e drogës u gjet pranë mjetit lundrues. Ajo ishte e ndarë në 54 pako. Pranë drogës janë gjetur edhe disa mushka, që mendohet se kanë shërbyer për të dërguar drogën në bregdet.
Sipas njoftimit të policisë, në ndjekje të gomones u vunë shërbimet e policisë Kufitare Vlorë, reparti special “Delta” dhe Guardia di Finanza. /LAPSI.AL/
