Mimoza Hafizi ka reaguar lidhur me zgjedhjen e emrave të kabinetit të ri të qeverisë Rama.
Kritikat më të mëdha, ish deputetja e Libra, i ka lëshuar në drejtim të arsimit, ku sërish ministre u riemërua Lindita Nikolla ku dhe është shprehur se “marionetat politike në krye të arsimit do kalojnë lehtësisht çdo akt e ligj në favorin e tyre”.
Statusi i plotë:
Aspak surprizë për askënd vazhdimësia në arsim e Qeverisë!
E hidhur për studentët, për nxënësit e mësuesit, por jo për klientët privatë të Rilindjes. Ata le të vazhdojnë të përfitojnë, të tallen, të kënaqen, pasi marionetat politike në krye të arsimit do kalojnë lehtësisht çdo akt e ligj në favorin e tyre. Duke cënuar pa dhimbje hapësirën e vuajtur të arsimit publik.
Ende shpresoj e besoj të ketë rezistencë, LIBRA do të jetë zëri i vlerave në politikë, në mbrojtje të demokracisë dhe interesit publik. Gjithsesi, më mirë
Sokrat i vuajtur sesa derr i kënaqur!
