Partia “Zgjidhja” e drejtuar nga Koço Kokëdhima, e cilësoi Shqipërinë, superlavatriçe të parave të pista të Rilindjes, duke iu referuar renditjes në Indeksin Kundër Pastrimit të Parave, hartuar nga Instituti i Bazelit për Qeverisje. Sipas raportit Shqipëria ishte sivjet në vendin e 85-të, ose mes 15 vendeve me rrezik më të lartë në Europë dhe Azinë Qendrore.
Në një reagim të saj “ZGJIDHJA” deklaroi se qindra milionë euro me prejardhje nga trafiku i drogës dhe krime të tjera, hynë në ekonominë kombëtare, u pastruan dhe u përdorën si oksigjen për një vend që eksporton vetëm drogë dhe krim dhe se kjo sasi e pamasë parash të pista gremisi edhe monedhën e përbashkët europiane dhe valutat e tjera, sepse ato u përdorën për të blerë votat e 25 qershorit, që do t’i jepnin Rilindjes edhe një mandat tjetër qeverisës.
