Një shqiptare e cila ishte e lidhur me një sipërmarrës italian, fillimisht i ka kërkuar atij që të blinin një apartament në Shqipëri ku të jetonin së bashku. Pastaj, pasi u ndërpre marrëdhënia, ajo vazhdonte t’i kërkonte para duke e kërcënuar se do t’i tregonte gjithçka gruas së tij. Shantazhi ka zgjatur 4 vite me radhë. Kështu, N.K., një shtetase shqiptare 29 vjeçare, i mori biznesmenit Italian 50-vjeçar rreth 33.500 euro.
Ngjarjet kanë ndodhur në Italinë fqinjë. Kërkesa e fundit për t’i dhënë para është shënuar së fundmi. Mbrëmjen e djeshme, rreth orës 22:00, gruaja dhe ish i dashuri lanë takim për shkëmbimin e 10 mijë eurove në stacionin hekurudhor të Padova-s.
E reja shkoi në vendin e takimin me partnerin e saj të ri, një 41-vjeçar italian nga Bari, me të cilin bashkëjeton në Conegliano (në provincën e Treviso-s).
Por për të gjithë këtë, në dijeni ishin edhe karabinierët, që ndërhynë para se të bëhej shkëmbimi i parave, duke arrestuar shqiptaren dhe partnerin e saj.
Në makinën e 29-vjeçares u gjet një shishe me spraj djegës.
