Nuk janë të pakta rastet kur produket ushqimore apo ato të konservuara shiten me çmim të ulët nëpër supermarketet vendase, por jo të pakta janë dhe rastet kur këtyre produkteve u ndërrohet data e skadencës.
I tillë është dhe një rast i denoncuar nga një pushues që po i kalon pushimet në Pogradec. Ai kishte blerë një kos frutash. I kujdesshëm, ka parë që data e skadencës së produktit ka qenë në rregull, por kur ka hapur produktin e gjithë skena ka qenë ndryshe.
“E kam blerë në një dyqan në Pogradec. Ishte brenda datës së skadencës, po kur e hapa për pak desh volla nga ajo që pashë. Kështu është kur i mbajnë ushqimet në kushte të pafavorshme”,- ka shkruar qytetari për JOQ.al.
