Deputeti i PDIU në Elbasan, Aqif Rakipi është përfshirë në një aksident rrugor mëngjesin e sotëm.
Teksa po udhëtonte me makinë e tij në autostradën Tiranë-Durrës ka përplasur për vdekje një 53-vjeçar.
Pas aksidentit, Aqif Rakipi është paraqitur vetë në polici.
“Menjëherë është nisur patrulla e policisë për të verifikuar informacionin, e cila pak minuta më vonë ka konstatuar një person në rrugë pa shenja jete, dhe në këto momente, afërsisht në orën 04:51 minuta, Komisariati i Policise nr.2 ka njoftuar që në këtë Komisariat është paraqitur shtetasi A. R., me automjetin e tij, tip Mercedes (i dëmtuar në pjesën e përparme të tij) i cili deklaroi se ka përplasur një person në autostradë dhe po dorozohej në Komisariat”.- thuhet në njoftimin e policisë.
Sakaq, policia e mbërritur në vendngjarje po punon për zbardhjen e plotë të rrethanave dhe shkaqeve të aksidentit.
