Një masë e mirë shkëmbi është shkëputur nga lart e ka rënë në mes të rrugës në Vlorë, për fat pa shkaktuar asnjë person të lënduar.
“Drejtoria Vendore e Policisë Vlorë njofton se në vendin e quajtur ”Kalaja”, është shkëputur një masë shkëmbi dhe ka mundësi të vazhdojnë të shkëputen të tjera”- njofton policia.
Por nga ana tjetër policia nuk ka qënë në gjendje për të menaxhuar situatën e trafikut. Radhë kilometrike të makinave është regjistruar përgjatë aksit Radhimë-Vlorë, ku asnjë patrull policie nuk shfaqet në këtë zonë.
Policia e Shtetit nuk ka nxjerrë asnjë njoftim për bllokimin e qarkullimit duke krijuar irritim tek drejtuesit e automjeteve.
Kjo nuk është hera e parë që policia “mbytet me një pikë ujë”, ku një cop shkēmbi jo vetëm shkaktoi bllokim të qarkullimit por nga ana tjetër nxorri në pah paaftësinë e menaxhimit të Policisë së Shtetit.
Boldnews.al
