Policia e Tiranës zbuloi detaje nga ngjarja që ka ndodhur në zonën e Komunës së Parisit mbrëmjen e së enjtes. Rreth orës 19:55 është njoftuar për shkëmbim zjarri në kryqëzimin e Komunës së Parisit. Nga hetimet paraprake ka rezultuar se ka pasur një shkëmbim zjarri midis disa mjeteve, ku për pasojë ka mbetur i plagosur në shpatull shtetasi L.H., 24 vjeç, i cili ndodhet në spital nën kujdesin e mjekëve.
Lapsi.al mësoi nga burime në vendin e ngjarjes se i plagosuri ka qenë në makinën e tij me targa AA 777 RT. Ai është qëlluar nga një automjet tip fuoristradë e cila është larguar me shpejtësi.
Policia thotë se janë ngritur pika kontrolli në hyrje-dalje të qytetit dhe se vazhdon krehja e zonës. Policia thotë se grupi hetimor po punon për identifikimin dhe kapjen e autorëve dhe zbardhjen e plotë të rrethanave të ngjarjes. Më poshtë foto nga vendi i ngjarjes. /lapsi.al/
