Pas tragjedisë që i ndodhi me shpërthimin e gazit në Velipojë, ku humbi jetën kryefamiljari Besnik Zenuni dhe u plagos rëndë i biri i tij, Hektori, familja Zenuni po përballet me mashtruesit që po kërkojnë të fitojnë para me fatkeqësinë e tyre.
Fatmira, motra e viktimës dhe halla e të plagosurit rëndë, ka deklaruar qartë në një intervistë gjithçka:
Znj. Fatmira, ne media prej dites se djeshme qarkullon një lajm që familja Zenuni kërkon para për kurimin e Hektorit në Turqi. Si qëndron e vërteta?
“Unë i kam lexuar të gjitha lajmet në rrjetet sociale dhe këto nuk janë të vërteta. Kemi porositur avionin personal të Kryqit të Kuq dhe kemi paguar 15 mije euro në Rinas dhe 25 mije euro garanci për të hyrë në spital. Lajmi nuk është i vërtetë, ne kemi para mjaftueshëm, sa të mbajmë gjysmën e Shkodrës. Tani, si është puna: në Tiranë, në emër të vëllait kemi një lokal që kushton 400 mijë euro. Në Velipojë, ku ndodhi shpërthimi, kemi hyrje pallati në emër të vëllait, 10 apartamente. Ato kanë qënë me qera për pushuesit. Kemi 4 apartamente në Shkodër dhe 3 makina luksoze. Prandaj kush është ai person që kërkon të abuzojë me emrin tonë e të zhvasë shkodranët, për këtë do t’i drejtohem edhe Policisë.
Fatmira, keni kontaktuar me mbesën?
Jo, sepse ajo ndodhet në Turqi me të vëllain, ndërsa me njerkën nuk kemi komunikim, pasi nëna e tij ka vdekur. Ajo nuk jep asnjë përgjigje. Lekët janë paguar, pasi në spitalin “Abicadem” në Turqi s’të fut njeri pa lekë. Ai është spital privat dhe kemi paguar 1 mijë euro në ditë. Kur të kalojne 30 ditë, nëse do ta mbajnë më shumë, do të paguajmë të tjera.
Kush i kërkon këto para, kur vëllai ka qënë biznesmen i nderuar e të ndyhet figura e tij se ai nuk ka lekë?! Ka 25 vjet biznesmen, që i ka paguar shtetit taksat!
Pra, do t’i drejtoheni Policisë për rastin?
Po, po! Kush është ai person që ka nxjerrë nr. e telefonit për të kërkuar lekë?! Mund të shitet një hotel apo hyrje pallati që kushton 100 mijë euro.
Keni një apel për të bërë?
Po i drejtohem popullit të Shkodrës, se ai nuk është fukara: janë pronat në këmbë, ndaj s’e di përse kërkohen këto para.
Ju lutem mos jepni para! Janë mashtrime!
Do të kërkojmë kush është ai nr. telefoni dhe llogarie bankare, kush e disponon! Vëllai nuk është fukara, dua ta pastroj figurën e tij. Kaq di të them./shkodranews
