Sekretarja e Përgjithshme e PDIU-së, Mesila Doda reagon sërish për tjetërsimin e votës së 25 qershorit në Tiranë.
Mesila Doda ka publikuar një tjetër video ku pretendohet se janë tjetërsuar votat. Në videon e publikuar shihet se si një numërues plotëson me stilolaps fletën e votimit.
“Qershia mbi torte
Ja si mbushet vota live e si blihen komisioneret…
Shqiperia qe duam…”, shkruan Doda.
Më herët Mesila Doda tha se hajduti pasi ka shkatërruar procesin kërkon kthimin e një procedure që e ka bërë vetë tek pullë pa asnjë ndërhyrje.
Doda u shpreh se në të gjitha qendrat e votimit që konteston PS, vetëm në 2 raste PDIU ka pasur numërues.
“Ky është rasti, kur vetë forca politike përgjegjëse e bën pis procesin e vet… e administroi vetë, e numëroi po vetë… ne as nuk ishim në ato tavolina dhe në fund ka pretendime për rezultatin…
Hajduti pasi ka shkatërruar procesin kërkon kthimin e një procedure që e ka bërë vetë tek pullë, pa asnjë ndërhyrje…
Në të gjitha qendrat e votimit që konteston PS, vetëm në dy raste PDIU ka pasur numërues. I bie që nga njëra anë na kanë vjedhur votat, nga ana tjetër, edhe aty ku nuk kemi pasur numërues, na kanë dhënë vota”, ka shkruar Doda.
