Rreth 15 hektarë pyje janë djegur në fshatin Patinë, pas vatrave të zjarrit në Klos. Nga raportimet mësohet se janë djegur pisha të reja. Zjarri favorizohet nga era. Për shuarjen e flakëve është kërkuar dhe ndërhyrje nga ajri. Po ashtu Emergjencat Civile bënë me dije se ditën e sotme janë regjistruar 3 raste zjarri. Emergjencat u ndalën edhe tek situata në Tepelenë, ndërsa theksoi se drejt vendit të zjarrit është nisur një helikopter.
QARKU DIBËR
Në fshatin Dushaj, Bulqizë vijon zjarri në një masiv pyjor me dru ahu. Forcat zjarrfikëse kanë ndërhyrë me mjete rrethanore për shkak të terrenit të thyer. Aktualisht është duke u punuar për shuarjen e flakëve edhe pse ato favorizohen nga era. Në fshatin Patin, Klos zjarri ka djegur një sipërfaqe prej 1 hektarësh me shkurre, ferra dhe pisha. Zjarrfikëset kanë ndërhyrë me mjete rrethanore dhe vetëm pas disa orë punë kanë arritur të shuajnë flakët.
