Kreu i LIBRA-s, Ben Blushi ka akuzuar kryebashkiakun e Durrësit, Vangjush Dako, si një prej zyrtarëve më të korruptuar në Shqipëri.
I ftuar në emisionin “Opinion”, Blushi tha se reforma në drejtësi duhet të testohet mbi lëkurën e Dakos.
“Gjëja e parë që do të bëja nëse do të drejtoj Shqipërinë është të shkarkoj nga administrata njerëz si Vangjush Dako dhe disa të tjerë si ai. Nëse reforma në drejtësi do të testohet ndonjëherë ajo duhet të testohet mbi lëkurën e Vangjush Dakos dhe disa të tjerëve si ai”, u shpreh Blushi.
Kryetari i LIBRA theksoi se nuk do të bashkohej kurrë me Edi Ramën në një koalicion pas zgjedhjeve.
