Presidenti i Zgjedhur, Ilir Meta ka lëshuar një lumë akuzash ndaj Drejtorit të Policisë së Shtetit, Haki Çako, duke e konsideruar si një njeri të lidhur me botën e drogës.
“Kjo është një aleancë e cila synon t’u imponohet shqiptarëve përmes fiksimeve qesharake, të turpshme, përmes manipulimeve, përmes keqpërdorimit të policisë, që ende drejtohet nga një ndër përgjegjësit kryesorë të ndërmarrjes së drogës, që turpëroi të gjithë Shqipërinë dhe kriminalizoi të gjithë vendin, i cili qëndron aty vetëm si rezultat i shkëmbimit që është bërë në kurriz të standardit të zgjedhjeve, të drejtorit të OSHEE-së me atë të Policisë së Shtetit.” – u shpreh Meta.
“Megjithatë, për këtë nuk dua të flas më shumë, pasi ja kam çuar një mesazh z. Rama lidhur me Haki Drogën, i cili nuk duhet të guxojë më të përdorë policinë e shtetit në mënyrë policeske, antiligjore, përmes inskenimeve mafioze, tipike të tij, dhe të gjithë segmenteve që drejtojnë atë.” – shtoi më tej ish Kryetari i LSI-së.
